කොළඹ විශ්වවිද්‍යාලයීය නීති පීඨයේ නීති ආධාර ඒකකය, කොළඹ විශ්වවිද්‍යාලයීය මානව හිමිකම් අධ්‍යයන කේන්ද්‍රය හා ස්වෙච්ඡා නීතිඥ මහත්ම මහත්මීන් සමග එක්ව මෙම “නොමිලේ නීති උපදෙස් ලබාදීමේ සේවාව ” ක්‍රියාත්මක කරනු ලබයි.
දිවයිනේ ඕනෑම ප්‍රදේශයක පුද්ගලයෙකුහට මෙම සේවාව නොමිලේ ලබාගත හැකි අතර පුද්ගල ආරවුල්, ඉඩම්, පවුල් ගැටලු, මූල්‍ය ගැටලු ආදී ඕනෑම නීතිමය ගැටලුවකට විසදුම් ලබා ගැනිමට අවශ්‍ය මූලික නීති උපදෙස් ලබා දීම මෙහිදී සිදු කරනු ලැබේ.
දිස්ත්‍රික් මට්ටමෙන් ද මෙම සේවාව ලබාදෙන අතර නීතීඥ හමුවක් වෙන් කරවා ගැනීමට 0702428048 අංකයට WhatsAspp පණිවිඩයක් හෝ කෙටි පණිවිඩයක් ආකාරයෙන් ඔබේ නම සහ දිස්ත්‍රික්කය යොමු කිරීමෙන් හැකියාව ලැබේ.
මෙම සේවාව නොමිලේ පළමු නීති උපදෙසට පමණක් සීමා වන අතර උසාවියේ පෙනී සිටීමට නීතිඥ සහය සපයනු නොලැබේ.
නීතිය නොදැනීම හේතුවෙන් නඩු කටයුතුවලදී අසරණ වන පිරිස වෙනුවෙන් සහ ශ්‍රී ලාංකික පුරවැසියන් නීතිය පිළිබද දැනුවත් කිරීමේ අරමුණින් මෙම සේවාව සිදුකරණු ලබයි.
කවිඳු සමරවීර
